التحضير للديمو Demo بما اننا في موسم التقديم للمدارس.
هنقسم التحضير لتلات مراحل :-قبل الديمو Pre-demo
-خلال الديمو During demo
-بعد الديمو Post-demo
1-قبل الديمو Pre-demo
التقديم في المدرسه بيتم علي 3 مراحل : إرسال ال CV/ المقابله الشخصيه/ الدرس المصغر Demo
بعد المقابله الشخصيه بيتم تحديد ميعاد للديمو. هنا لازم نبدأ نسأل كام سؤال هيساعدونا في التحضير:
الدرس المقرر شرحه ( هل هو درس محدد ولا الأختيار مفتوح للمدرس؟) المده (كام دقيقه بالظبط؟) المرحله العمريه أو الدراسيه للطلبه المستوي اللغوي للطلبه (في حالة التدريس باستخدام لغه تانيه زي الإنجليزي )الحضور (هل الحضور هيكونوا طلبه فعلا في فصل حقيقي ولا هيكونوا مدرسين أو مشرفين للماده supervisors) وعددهم اد ايه؟ الأدوات المتاحه خلال الديمو (سبوره- لابتوب-بروجيكتور… إلخ) 
دلوقتي معانا كل التفاصيل وهنبدأ نحضر للدرس ونعمل خطه مفصله lesson plan.
أهداف الدرس Objectives: أول حاجه لازم أحددها هي الأهداف المطلوب تغطيتها في الدرس ده (معظم الوقت بتكون مكتوبه في أول الدرس أو في فهرس الكتاب) ولو أنا مختار درس مش من كتاب فلازم أطلع منه علي الأقل (3-5 أهداف) بعد ما حددت الأهداف هبدأ أخطط للدرس نفسه وأعمل lesson plan لازم يكون للدرس مقدمه أو تمهيد علشان أجذب أنتباه الطلبه (ممكن تكون في شكل أسئله أو مناقشه سريعه أو صوره أو ڤيديو قصير) بعد كده بيكون في جزء الشرح أو العرض وهنا برضه لازم يحاول المدرس يدمج الطلبه معاه طول الوقت و يسألهم ويحاول يطلع منهم المعلومات eliciting بعد كده أبدأ أختار أنشطه مختلفه للتمرين والتدريب: الأختيارات هنا لانهائيه وبتعتمد علي الدرس والماده والفئه العمريه (ممكن تكون تمارين كتابيه -أنشطه تلوين وتركيب- حل أسئله في مجموعات- تمثيل أدوار-أنشطة فرز ...إلخ) لازم أحدد الطريقه اللي هقيم بيها الطلبه خلال الدرس و في نهاية الدرس (ممكن تكون من خلال التجاوب في الأنشطه أو حل الأسئله علي سبيل المثال) دلوقتي أهم عامل هيكون الوقت. لازم أحدد وقت معين لكل جزء من الدرس وأكون واقعي وأنا بقدر الوقت لازم كمان أكون جاهز بأي أسئله متوقعه بتدور حوالين الدرس أو النقط اللي هشرحها 
بعد ماجهزت خطة الدرس لازم أراجعها أكتر من مره وممكن أعرضها علي مدرس زميل عنده خبره الأدوات المستخدمة في الديمو :
لازم يكون معايا نسخه مطبوعه من ال CV وجاهزه معايا في فايل شفاف نسخه من خطة الدرس lesson plan في فايل شفاف كل الصور وأوراق العمل و الكروت و الأدوات اللي هستخدمها تكون جاهزه ومترتبه حسب خطة الدرس لو هستخدم صور أو ڤيديوهات من الانترنت أكون عملالها download علي الاب توب أو الفلاشه أنا كمان برجح المدرس يروح بال markers حتي بتاعته لو الدرس بتاعي هيكون معتمد علي التكنولوجيا -لازم يكون عندي خطه بديله Plan B في حالة ان النور قطع أو الاب توب مش شغال أو أو عطل فني تاني حصل دايما برضه بنصح أكون باعته لنفسي علي الأيميل كل الملفات دي من باب الأحتياط (الفلاشه مش شغاله -الكمبيوتر فيه ڤيروس… إلخ) التحضير الجيد والتدريب علي الديمو .
⇦لازم أتدرب علي خطة الدرس بتاعي (بصوت عالي وكأني بدرس فعلا) ويكون جنبي stop watch وأشوف الوقت اللي أنا محدده هل فعلا كافي ولا محتاج أي تغيير
⇦ممكن نتدرب قدام المرايه أو مع حد من العيله أو مدرس زميل ونطلب منهم feedback عن الأنشطه-الوقت- طريقة التدريس… إلخ
⇦مهم جدا جدا نتدرب علي الأقل 3 مرات قبل الديمو الفعلي.
الثقه بالنفس = تحضير جيد + تدريب كافي2-التجهيز لوقت دخول الديمو .
يوم الديمو الصبح أكون محضر شنطتي و أتحرك بدري علشان أوصل قبل ميعادي علي الأقل ب 30 دقيقه علشان أستعد.دايما بنصح نلبس فورمال علشان يدي أنطباع بالأحترافيه professionalism .
السيدات ( بلوزه أو بليزر + چيبه أو بنطلون + حذاء بكعب صغير او من غير كعب خالص بس لازم يكون مغطي صوابع الرجل و نبعد عن ال make-up الزياده أو الاكسسوارات الكتير) الرجال ( قميص ساده+ بنطلون و مفيش داعي للبدله الكامله) الألوان تكون أبيض -أسود-روز-رمادي - أزرق
ممنوع الچيز والكوتشي نهائياااااا
* خطوات شرح الديمو .
مع بداية الديمو هعرف نفسي للجنه اللي هتحضر وهقول عنوان الدرس ومدته .اللجنه دايما بتبص علي 3 حاجات أساسيه في كل مدرس: 1-التحضير
2-المشاركه والتفاعل ( الأنشطه)
3-شخصية المدرس وأسلوبه في الشرح
نبدأ دايما وعلي وشنا ابتسامه ونكون علي طبيعتنا ونوصل الحماس اللي جوانا و ثقتنا بنفسنا اللي أشتغلنا عليها في مرحلة التدريب والتحضير. خلال الدرس يكون دايما عنينا علي الوقت اللي محددينه لكل نشاط لأن إدارة الوقت من أهم المهارات اللي اللجنه بتقيمها كمان لازم نكون متفاعلين من الطلبه (طلبه حقيقين أو اللجنه اللي بتقوم بدور الطلبه) و نحفزهم طول مدة الدرس باستخدام كلمات زي (براڤو -هايل - حاول مره تانيه… إلخ) ولو في حد مش منتبه أحاول أشركه معايا في الأنشطه. وأخيرا هشكر اللجنه وهستني لو عندهم أسئله أو تعليقات 3-بعد الديمو
بعد الديمو لازم أعمل نوع من التدبر reflection وأقعد مع نفسي وأكتب أيه الحاجات اللي مشيت كويس في الديمو وكانت ناجحه و أيه الحاجات اللي محتاج أشتغل عليها 